बागलुङमा जिप दुर्घटना, दुई जनाको मृत्यु, १४ घाइते

काठमाडौं । बागलुङमा जिप दुर्घटना हुँदा दुई जनाको मृत्यु भएको छ भने १४ जना घाइते भएका छन्। बागलुङको बुर्तिबाङ बजारदेखि यात्रु बोकेर ढोरपाटन–सालझण्डी सडक खण्ड हुँदै सहीखोलातर्फ जाँदै गरेको लुम्बिनी प्रदेशको ०१–००१ च १७७५ नम्बरको जिप ढोपाटन नगरपालिका-५ बतासेडाँडामा शुक्रबार दुर्घटना भएको जिल्ला प्रहरी कार्यालय बागलुङले जनाएकाे छ।

घाइतेमध्ये तीन जनाको अवस्था गम्भीर रहेको छ भने १० जनाको अवस्था मध्यम र एकको अवस्था सामान्य रहेको प्रहरीले जनाएकाे छ। मृतकहरूको पहिचान हुन नसकेको प्रहरीले जनाएको छ।