भक्तपुरमा पहिरोले पुरिँदा दुई गाई र एक बाच्छा मरे

भक्तपुरको चाँगुनारायण नगरपालिका  ६ फेदीस्थित गोठ पहिरोले पुरिँदा शुक्रवार दुई गाई र एउटा बाच्छाको मरेको छ ।

स्थानीय सहदेव लामिछाने र रामकुमार लामिछानेको ढुङ्गा माटोले बनेको जस्ताले छाएको दुई तले कच्चीगोठमा पहिरो आउँदा दुई गाई र एउटा बाच्छाको मरेको  हो। बाँधिराखेका ५ वटा गाईमध्ये २ वटा गाईलाई बिहान नेपाल प्रहरी र स्थानीयको सहायताले सकुशल उद्धार गरिएको छ ।

पहिरोले मानवीय क्षति भने हुन नपाएको जिल्ला विपद् व्यवस्थापन समितिले जनाएको छ ।