मेयर, उपमेयर र प्रशासकीय अधिकृतसहित ११ जनाविरुद्ध भ्रष्टाचार मुद्दा दायर

२० असार । रौतहटको कटरिया नगरपालिकाका मेयर, उपमेयर, प्रशासकीय अधिकृतसहित ११ जनाविरुद्ध भ्रष्टाचार मुद्दा दायर भएको छ । वडा नम्बर २ मा सामुदायिक भवन निर्माणमा १२ लाख ५२ हजार रुपैया अनियमितता गरेको अभियोगमा अख्तियार दुरुपयोग अनुसन्धान आयोगले मेयर अजय प्रकाश, उपमेयर रितोदवी, प्रशासकीय अधिकृत राम प्रकाश शाह, इन्जिनियर राजेश कुमार साह लगायतलाई प्रतिवादी बनाई मुद्दा दायर गरेको हो ।
उपभोक्ता समितिबाट भवन निर्माणको फ्लोरिङ काम गराउँदा लागत अनुमानअनुसार काम नगरी अनियमितता गरेको आयोगको अभियोग छ ।