काठमाडौंको तापक्रम थप घट्यो

२८ मंसिर । काठमाडौंको आज न्यूनतम तापक्रम ३.१ डिग्री सेल्सियस छ । यो तापक्रम यो वर्षको आजसम्मको न्यून हो । यद्यपि, योभन्दा पनि कम तापक्रम हुने सम्भावना छ ।

बिहान ५:४५ बजे ३.४ डिग्री सेल्सियस देखिएको काठमाडौँ उपत्यकाको न्यूनतम तापक्रम बिहान ८:४५ बजे थप घटेर ३.१ डिग्री सेल्सियसमा झरेको हो ।

मौसम पूर्वानुमान महाशाखाको रेकर्डअनुसार उक्त तापक्रम काठमाडौँका लागि यो वर्षको अहिलेसम्मकै कम हो । आज सबैभन्दा कम न्यूनतम तापक्रम जुम्लामा माइनस ७ अर्थात् -७ डिग्री सेल्सियस छ ।