लिपिङको जंगलमा लागेको आगो निभाइयो

काठमाडौं । सिन्धुपाल्चोकको भोटेकोशी गाउँपालिका–२ को लिपिङको जंगलमा लागेको आगो निभाइएको छ। गत शुक्रबारदेखि लिपिङको जंगलमा ठूलो आगलागी भएको थियो।

आगो निभाउन आइतबार बिहानबाट सिम्रिक हेलिकोप्टर परिचालन गरिएको थियो। नेपालमा सिम्रिक हेलिकोप्टरसँग मात्रै भएको बम्बी बकेटको सहयोगले आगो निभाइएको हो।

आगो निभाउन सिम्रिक हेलिकोप्टरका क्याप्टेन सिद्धार्थ जंग गुरुङ र कप्तान हरेराम थापाको नेतृत्वमा एक टोली खटाइएको थियो। हेलिकोप्टरले स्थानीय प्रहरी र भोटेकोशी गाउँपालिकासँगको समन्वयमा आगो नियन्त्रण गरेको हो।