काठमाडौं । भक्तपुरको ठिमीबाट कोटेश्वर आउने क्रममा सार्वजनिक बसमा सवार यात्रुको मोबाइल चोरी गरेको सूचनाका आधारमा प्रहरीले ७ जनालाई नियन्त्रणमा लिएको छ। बिहीबार बेलुका कोटेश्वर चोक नजिकबाट पाकेटमारी गरी भाग्ने क्रममा प्रहरीले उनीहरूलाई पक्राउ गरेको हो।
प्रारम्भिक अनुसन्धानमा पक्राउ परेकाहरूले चोरीका मोबाइल भक्तपुर जगातीस्थित सरोज मोबाइल रिपेयरिङ सेन्टरमा बेच्ने गरेको खुलेको छ। उक्त रिपेयरिङ सेन्टरमा खानतलासी गर्दा लुकाइछिपाइ राखिएको अवस्थामा विभिन्न कम्पनीका २७१ मोबाइल, ९ ट्याब र १५ ल्यापटप बरामद भएको छ। रिपेयरिङ सेन्टर सञ्चालकसहित ७ जनालाई नियन्त्रणमा लिई थप अनुसन्धान भइरहेको प्रहरीले जनाएको छ।
प्रतिक्रिया