काभ्रेको चिहानडाँडाबाट गुडको बस दुर्घटना,बृद्धाको निधन एक घाइते

काभ्रे
काभ्रेको पनौती आसपास बस दुर्घटनामा एक बृद्धाको निधन भएको छ भने अर्का यात्रु घाइते भएका छन् ।
काभ्रे प्रहरीका अनुसार बेथानचोक गाउँपालिका ६ चिहानडाँडास्थित सडकमा पनौती बसपार्कबाट मेदाम्चुतर्फ जाँदै गरेको बा.३ ख ४४३५ नम्बरको बस सडकबाट चिप्लिएर करिब ३५ मिटर तल खसेर बुधबार साँझ दुर्घटना हुँदा बसमा सवार बनेपा नगरपालिका ९ बस्ने ६५ वर्षीया कृष्णमाया तिमल्सिनाको घटनास्थलमै निधन भएको छ ।
साथै दुर्घटनामा घाइते भएका १ जनाको भक्तपुर इन्टरनेशनल अस्पताल भक्तपुरमा उपचार भइरहेको छ । बस चालकलाई प्रहरीले नियन्त्रणमा लिएर कानूनी कारवाही प्रकृया सुरु गरेको जानकारी दिएको छ ।