सेतोढोकामा जुवातास खेलिरहेको अवस्थामा ९ जना पक्राउ

काठमाडौं । काठमाडौं महानगरपालिका–१, सेतोढोकाबाट शनिबार राति जुवातास खेलिरहेको अवस्थामा ९ जनालाई प्रहरीले पक्राउ गरेको छ। पक्राउ पर्नेहरूमा सिन्धुपाल्चोक बाह्रबिसे नगरपालिका–४ घर भएका ४५ वर्षीय चेन्जे शेर्पा समेत रहेका छन्।

प्रहरी वृत्त दरवारमार्गबाट खटिएको टोलीले उनीहरूलाई नगद ७१ हजार २ सय ६५ रुपैयाँ, ८ बुक तास र ११ थान मोबाइल सामान सहित पक्राउ गरेको जनाएको छ।

प्रहरीले यस सम्बन्धमा थप आवश्यक अनुसन्धान गरिरहेको छ।