काठमाडौं । आफूलाई काठमाडौं महानगरपालिकाको फोहोर मैलाको कर्मचारी भएको भन्दै १३ लाख रुपैयाँभन्दा बढी रकम ठगी गरेको अभियोगमा एक युवक पक्राउ परेका छन्।
पक्राउ पर्नेमा दोलखा शैलुङ गाउँपालिका–२ घर भइ काठमाडौं महानगरपालिका–६ बसोबास गर्दै आएका २८ वर्षीय राजु लामा रहेका छन्।
प्रहरीका अनुसार लामाले काठमाडौं महानगरपालिका–३१ स्थित वडा क्षेत्रमा आफू महानगरपालिकाको फोहोर व्यवस्थापन शाखामा कार्यरत कर्मचारी भएको भनी सार्वजनिक व्यक्तिहरूबाट रकम असुल्दै आएका थिए।
प्राप्त सूचनाका आधारमा प्रहरी वृत्त नयाँ बानेश्वरबाट खटिएको टोलीले आइतबार साँझ उनलाई पक्राउ गरेको हो। प्रारम्भिक अनुसन्धानमा उनले जम्मा १३ लाख २५ हजार रुपैयाँ असुली गरेको खुलासा भएको छ।
हाल प्रहरीबाट ठगीसम्बन्धी आवश्यक अनुसन्धान अघि बढाइएको छ।
प्रतिक्रिया