![](https://i0.wp.com/www.lalitpurkhabar.com/wp-content/uploads/2020/01/road-block-bajrabarahi-1-scaled.jpg?resize=720%2C441&ssl=1)
लपु संवाददाता
१ माघ ०७६, बज्रवाराही । ललितपुरको चापागाँउ बज्रवाराहीमा सार्वजनिक सडक छेकेर नीजि घर ढलान गरिएको छ । मंगलबार घर ढलानका लागि दिनभर सडक थुने पनि सँगै जोडिएको गोदावरी नगरपालिका बेखबर थियो ।
स्थानीय रामगोपाल देशारले सडक अवरुद्ध गराएपछि यो सडकबाट चार पाङ्ग्रे गाडी गुड्न पाएनन् । साइकल र मोटरसाइकल भने मेस्किलले पार गरिरहेका थिए ।
घरधनी देशारले सडक थुनिएको सम्बन्धि ललितपुर खबरको प्रश्नको उत्तर दिने क्रममा बैकल्पिक सडक भएको कारण आवत जावतमा समस्या नरहेको प्रतिकृया दिनुभयो । भन्नुभयो,‘घर ढलान गर्न जग्गा छैन । ठाँउ नभएर सामान माइक्रोपार्कमा राखेको छु ।’
ट्राफिक प्रहरी कार्यालय चापागाँउका प्रमुख टेकबहादुर श्रेष्ठले यसबारे कुनै जानकारी नभएको प्रतिकृया दिनुभयो ।
प्रतिक्रिया