काठमाडौं । मानव बेचबिखन तथा ओसार–पसार मुद्दामा इन्टरपोलबाट रेड नोटिस जारी भएका फरार प्रतिवादी पक्राउ परेका छन्। पक्राउ पर्नेमा कीर्तिपुर–४ गाम्चा बस्ने रुकुम पश्चिम बाफिकोट गाउँपालिका–२ का कल बहादुर बस्नेत रहेका छन्।
प्रहरी प्रधान कार्यालयका अनुसार उनी एनसिबि आबुधाबी युएईको समन्वयमा युएईबाट सोमबार नेपाल फिर्ता ल्याइएको हो। यस सम्बन्धमा उनलाई कानूनी कारवाही गर्ने/गराउने तयारी भइरहेको बताइएको छ।
उक्त मुद्दामा संलग्न रहेका कल बहादुर बस्नेतलाई अन्तर्राष्ट्रिय स्तरमा खोजतलास र पक्राउ गर्न एनसिबि काठमाडौंको अनुरोधमा इन्टरपोल महासचिवालयले २०८१ पुस ११ गते रेड नोटिस जारी गरेको थियो।
उनलाई मानव बेचबिखन ब्यूरो मार्फत सम्बन्धित कसूर अनुसार कानूनी कारवाहीको लागि पठाइने प्रहरीले जनाएको छ।
प्रतिक्रिया