काठमाडौं । बैंकिङ कसुर मुद्दामा फरार रहेकी एक महिला प्रतिवादीलाई प्रहरीले भक्तपुरबाट पक्राउ गरेको छ। पक्राउ पर्नेमा कागेश्वरी मनोहरा नगरपालिका–४ की ४७ वर्षीया पार्वती श्रेष्ठ रहेको जिल्ला प्रहरी परिसर भक्तपुरले जानकारी दिएको छ।
श्रेष्ठलाई शनिबार मध्यपुर थिमी नगरपालिका–४, नयाँ थिमीबाट पक्राउ गरिएको प्रहरीले जनाएको छ। उनी लामो समयदेखि बैंकिङ कसुर मुद्दामा फरार थिइन्।
प्रहरीले पक्राउ परेकी श्रेष्ठविरुद्ध आवश्यक कानुनी प्रक्रिया अघि बढाउने तयारी गरेको जनाएको छ।
प्रतिक्रिया