काठमाडौं । नागार्जुन नगरपालिका–४ बाफलबाट दुई थान पेस्तोलसहित तीन जना पक्राउ परेका छन् । पक्राउ पर्नेहरूमा काठमाडौं डल्लु बस्ने ३२ वर्षीय झिल्के भनिने विकाश शाही, मोरङको लेटाङ नगरपालिका–४ का २२ वर्षीय शाहिल तिवारी र बाफल बस्ने ३३ वर्षीय जस्वन राई भनिने अश्विन राई छन् । उनीहरूलाई जिल्ला प्रहरी परिसर काठमाडौंबाट खटिएको प्रहरीले टोलीले पक्राउ गरेको हो ।
उनीहरूबाट सीएफ ९८ लेखिएको दुई थान पेस्तोल, त्यसको तीन् थान म्याग्जिन र २ राउन्ड गोली र २ थान खोका बरामद भएको परिसरका एसपी पवनकुमार भट्टराईले बताए ।
प्रतिक्रिया