ललितपुरमा निर्वाचन प्रचारको क्रममा अनौठा दृश्य

चापागाँउ
फागुन २१ गते हुने प्रतिनिधि सभा सदस्यको निर्वाचनका क्रममा आजकल प्रचार अभियान सुरु गरिएको छ । निर्वाचन कार्यक्रम अनुसार फागुन ४ गतेभन्दा अघि बैठक,भेटघाट र बस्ती बस्तीमा उम्मेदवारहरुले चलाइरहेका छन् ।
निर्वाचन प्रचारकै क्रममा ललितपुरमा केही अनौठा दृश्यहरु देखिएका छन् । कतै भड्किलो प्रचार भइरहेको छ भने कही कतै फण्डा र रमाइला दृश्य देख्न पाइएको छ ।
ललितपुर क्षेत्र नं. १ बाट नेपाली काँग्रेस पार्टीबाट पाँचै पटक उम्मेदवार बनेका उदयशम्सेर राणा भड्किलो प्रचार गर्दै गाँउ पसेका छन् । उनको साथमा कार्यकर्ताहरु झण्डा र चुनाव चिन्ह प्रर्दशन गर्दै बस्ती पसेका छन् । उम्मेदवार राणालाई खादा माला लगाएर सिंगारिएको छ । ठाँउ ठाँउमा पार्टीको झण्डा र चुनाव चिन्हको रंग भरेर सडकमै आकृति बनाइएको छ । राणा नाराबाजी र तामझामसहित मतदातामाझ रवाफ देखाइरहेका छन् ।
उता यसै क्षेत्रका नेकपा एमालेका उम्मेदवार चेतनाथ सञ्जेल भने गाँउलेसँग कमै भटमास खाँदै हिडिरहेका छन् । उनी ठाँउ ठाँउमा नाचेका र कार्यकर्ताले झण्डा बोकेको देख्न सकिन्छ ।
रास्वपाका उम्मेदवार बुद्धरत्न महर्जन पनि पछिल्लो समय गाँउ पसेका छन् । उनी गाँउमा कही गुन्द्रिक र ढिडो खाइरहेका देखिन्छन् । मालामा सजिएका उनलाई चुनाव चिन्ह सडकमा बनाएर स्वागत गरेको देख्न सकिन्छ ।
हतमा माइक र फ्लेक्स बोकेर गाँउ पसेका पिपुल्स फस्ट पार्टीका ललितपुर १ का उम्मेदवार सनोज महतको पारा अलि बेग्लै छ । उनले आफ्नो चुनावी माओल सामाजिक सञ्जालमा चर्कोसँग बहस गरेर सुरु गरेका छन् । उद्यमी र व्यवासायीको मुद्दालाई उनले विषेश चासो देखाएको सन्दर्भमा उनीविरुद्ध कमेन्टको बर्षा भइरहेको छ । मतदाताको कमेन्टलाई व्यङ्य गर्दै महतले सामाजिक सञ्जालमा यसरी लेखे– ‘एउटा पागल, कुकुर दलाल व्यावसायीको मतियार खानी÷क्रसर, उद्योग र अर्थतन्त्रबारे आफ्नो धारणा राख्न आउदैछ ।’
एता ललितपुर क्षेत्र नं. ३ का उम्मेदवार राधे खड्काको प्रचार पनि अनौठो छ । उनी सामाजिक सञ्जालमार्फत मतदातालाई आफूलार्इं भोट नहाल्न भनिरहेका छन् ।