ललितखबर
दक्षिण ललितपुरको महाकाल गाँउपालिकाका अध्यक्ष गणेश केसीले वागमती प्रदेश सरकारले पालिकालाई बजेट विनियोजन नगरेपछि श्रद्धाञ्जली व्यक्त गरेका छन् । सामाजिक सञ्जालमा पालिका अध्यक्ष केसीले -हार्दिक श्रद्धाञ्जली बागमती सरकार जुन जोगी आए पनि कानै चिरिएको। विकल्प छै- भन्दै सरकार विरुद्ध लेखेका छन् । गएको असार १ गते प्रदेस सरकारले बजेट ल्याएको थियो ।
पछिल्लो समय उनी सम्बद्ध नेपाली काँग्रेसका सासंद इन्द्र बहादुर बानियाँ मुख्यमन्त्री छन् ।
आफ्नै पार्टीका नेता मुख्यमन्त्री हुँदा समेत बजेट नपत्याएको भन्दै पछिल्लो समय आलोचना भइरहेको छ । सरकारलाई नै पदीय मर्यादा विर्सेर पालिका अध्यक्ष केसीले श्रद्धाञ्जली दिएपछि विभिन्न कोणबाट टिप्पणी गर्न थालिएको छ ।
उनले सामाजिक सञ्जालबाटै सरकारलाई श्रद्धाञ्जली दिएको विषय अहिले ललितपुरको राजनीति बृत्तमा चर्चाको विषय बनेको छ । अध्यक्ष केसीले विकासको सवालमा ललितपुरमा राजनीति हुने गरेको र दक्षिण ललितपुरको राजनीतिका कारण यस्तो भइरहेको ललितखबरलाई प्रतिकया दिएका छन् ।
प्रतिक्रिया