दक्षिण ललितपुरको माल्टामा राष्ट्रपति कप भलिबल सुरु

१६ माघ ०७६, माल्टा । दक्षिण ललितपुरको बागमती गाउँपालिकामा पहिलो राष्ट्रपति कप रनिङ शिल्ड भलिवल प्रतियोगिता शुरु भएको छ । बागमती गाँउपालिका अध्यक्ष बिरबहादुर लोप्चनले माल्टास्थित कालीदेवि मावि स्कूलपरिसरमा उद्घाटन गर्नुभयो ।
प्रतियोगिताका खेलहरु शुक्रबार पनि जारी रहनेछ ।

भलिवल प्रतियोगितामा जनक माबि गिम्दी, नारायणी माबि गिम्दी बिद्याधिश्बरी माबि आश्राङ्ग, कालिदेबि माबि प्युटार र काली देबि माबि माल्टाको सहभागिता छ । भलिबल खेल लिगको आधारमा खेलाइने गाँउपालिकाका प्रेस संयोजक दिपक समिरले बताउनु भयो ।
विहीबारको उद्घघाटन खेल जनक माबि गिम्दि र काली देबि माबि माल्टा बिच भएको थियो । यो खेल कालीदेवि माविका विरुद्ध जनक माबिले जित हासिल गरेको छ ।
दक्षिण ललितपुरमा खेलकुदको विकाशका लागि गाउपालिकाले निरन्तर विभिन्न खेलहरुका प्रतियोगिता गरिरहेको छ ।