नख्खु खोला पनि मनाइदैछ छठ (तस्विरहरु)

ललितपुर खबर
२४ कात्तिक ०७८, ललितपुर । ललितपुरको नख्खु खोलामा पनि छठ पर्व मनाइने भएको छ । ललितपुरको नख्खु बजारदेखि एक सय मिटर माथि रहेको नल्लु,टिकाभैरव हुँदै बगेर गएको खोला किनारमा छठ मनाउन लागिएको छ ।

नख्खु करिडोरमा २ वटा स्वागत ढोका लगाइएको छ । अहिले नख्खु खोलामा पुल राखेर वारी र पारी दुवैतिर स्टल बनाइएको छ ।
पछिल्लो समय नख्खुखोलाको टिकाभैरव नजिकै, गोदावरी र मनहरामा समेत छट मनाउनेहरुको भीड हुन थालेको छ ।

याहाँ छठका लागि २५ वटा स्टल बनाइएको पवित्र धार्मिक उत्थान सेवा समितीका अध्यक्ष हिरालाल साहले बताउछन् । उनले भने, ‘हामीले ७ बर्षदेखि यहाँ छठ मनाउदै आएका छौं ।’७ वटा स्टलबाट छठ मनाउन सुरु गरिएको नख्खु खोलामा अहिले ४० वटा बनाएको उनी बताउछन् । अहिले माग अनुसार ठाँउ दिन मुस्किल रहेको साह बताउछन् ।
अघिल्लो बर्ष यहाँ धेरै ठाँउ ओगटेर छठ मनाइएको उनी सम्झन्छन् । भन्छन्, ‘यो बर्ष बाढीले खोलाको किनार बगाएछ । ठाँउ नै भएन ।’

नख्खु खोलामा पानी सफा भएकाले आफू छठ मनाउन स्टल हेर्न आएको रामुलाल यादव बताए । भन्छन्, ‘यहाँ तर यहाँ नख्खु करिडोरमा गुड्जे गाडीका कारण धुलो उड्दो रहेछ ।’
पछिल्लो समय यहाँका नेवारलगायत अन्य समुदाय समेत सहभागी हुन आउन थालेको साहले अनुभव साटे । उनका अनुसार यहाँ छठ बनाउन निश्चित शुल्क लाग्दैन । इच्छा अनुसार शुल्क तिरेर छठको स्टलमा बस्न सकिन्छ ।

उनका अनुसार यहाँ छठ मनाउनेले दिएको सहयोगले मात्रै खर्च पुग्दैन । साहु महाजनहरुले दिएको रकमले यहाँको छठको खर्च धानिदै आएको छ ।
संस्थाका कोषध्यक्ष राजेश गुप्ता हरेक बर्ष यहा छठ मनाउनेहरुको संख्या थपिदै गएको अनुभव सुनाउछन् । उनी भन्छन्, ‘हामी एउटा स्टलमा ७ परिवारभन्दा धेरै मान्छे राखेर पुजा गराउछौं ।’
समिती का कोषध्यक्ष गुप्ताका अनुसार स्थानीयबासीको सहयोग सद्भाव भए अझ राम्रोसँग छठको तयारी गर्न सकिन्छ ।

उनका अनुसार यहाँ बजेट पनि हरेक वर्ष बढ्दै गइरहेको छ । सहयोग पनि थपिदै गएको छ । हरेक वर्ष अझ झकिझकाउ बनाउदै लैजाने गरेको उनको अनुभव छ ।