ललितपुरमा राष्ट्रिय परिचयपत्र दिन प्रशासनका टोली टोलमै आउने

१० फागुन ०७८, ललितपुर । ललितपुर जिल्लाका टोल तथा वडा स्तरमा राष्ट्रिय परिचयपत्र वितरण अधियान सुरु हुने भएको छ ।
सहायक जिल्ला अधिकारी ललितकुमार बस्नेतका अनुसार पछिल्लो समय राष्ट्रिय परिचयपत्र बनाउने नागरिकको चाहना र जिल्ला प्रशासन कार्यालयमा भिडभाड हुन थालेपछि नागरिकलाई सुविधा हुनेगरी टोल वडास्तरबाटै विवरण संकलन गर्न लागिएको हो ।
ललितपुर जिल्लामा राष्ट्रिय परिचयपत्र अभियान शुरू गर्ने क्रममा आज मंगलबार गोदावरी नगरपालिका अन्तरक्रिया गरिएको छ । गोदावरि नगरपालिकामा विहीबारदेखि परिचयपत्रको अभियानको रूपमा विवरण संकलन सुरु हुदैछ ।