हत्या गरी विष्णुमती खोलामा शव, लेलेकी एक महिलासहित दुई जना पक्राउ

१० जेठ ०७९, काठमाडौं ।  काठमाडौंमा हत्या गरी शव खोलामा फ्याँकेको आरोपमा दुई जना पक्राउ परेका छन् ।
काठमाडौं उपत्यका अपराध अनुसन्धान कार्यालयको टोलीले हत्या आरोपमा दुई जनालाई पक्राउ गरेको हो । पक्राउ पर्नेमा मकवानपुर बागमती गाउँपालिका–६ फापरबारी ठूलो कायर बस्ने ४५ वर्षीय ठोकर कान्छा भन्ने कान्छामान ठोकर र ललितपुरको गोदावरी नगरपालिका–६ लेले बस्ने ४० वर्षीया गायत्री नगरकोटी पक्राउ परेका छन् ।
उनीहरूमाथि सिन्धुपाल्चोक जुगल गाउँपालिका–८ बराम्चेका ३५ वर्षीय जीवन भन्ने कान्छा लामा तामाङको हत्या गरेको आरोप छ।

गत बिहीबार उनको शव दक्षिणकाली नगरपालिका–१ पावर हाउस नजिक बागमती किनारमा फेला परेको थियो। शव सडिसकेको अवस्थामा फेला परेको थियो।