काठमाडौंमा घरबारविहीनहरुको सहारा बनेको सुकुम्बासी बस्ती (तस्विरहरु)

लेन्स : न्युज एजेन्सी अफ नेपाल
३२ असार ०७९, काठमाडौं । राजधानीको वागमती, विष्णुमती, मनहरा र गोदावरी नदि किनारको खाली जमिनमा हजारौं घर टहरा हालेर घरविहीनहरु बस्दै आएका छन् ।
नदि किनारमा रहेका यी बस्तीका व्यथा भने अनेकौ छन् । बर्षा याममा नदि पस्ने त्रास छ । हिउँदामा ढल गन्हाएर यहाँ बसी सक्नु हुँदैन । यहाँका धेरै सडकहरु हिलाम्मे छन् । वरपर वन बुट्यान र झाडी रहेकाले सर्पलगायतको त्रास छ ।

स–साना झुपडी र टहराबाट बर्षैअघि सुरु भएको यहाँको बस्ती आजकल धेरै ठाँउमा पक्की घरमा परिणत भएको देख्न सकिन्छ । कतिपय ठाँउमा महँगो रकम लिएर सटर र कोठा भाडामा लगाउने प्रचलन सुरु भएको छ ।

सरकारले सुकुम्बासी र अव्यवस्थित बसोबासीहरुको व्यवस्थापनका लागि आयोग नै बनाएर काम सुरु गरेसँगै धेरै घरविहीनहरु खुशी बनेका छन् । कहीकतै घर नहुने र लामो समयदेखि झुपडीमा बास बस्ने बेसहराहरुका लागि पछिल्लो समय आशाको सञ्चार भएको छ ।