सप्तपाताल पोखरीमा बनेको नमूना मच्छिन्द्र स्कूल भत्काइदै (तस्विरहरु)

लगनखेल ललितपुर
१५ पुस । ललितपुर लगनखेलस्थित सप्तपाताल पोखरीमा निर्माण गरिएको नमूना मच्छिन्द्र स्कूलका भवनहरु भत्काउन सुरु गरिएको छ ।
ललितपुर महानगरले ऐतिहासिक सप्तपाताल पोखरीको पुर्ननिर्माण सुरु गरेसँगै स्कूलका भवनहरु पोखरी पुननिर्माणमा खटिएका मजदुरहरुले भत्काउन सुरु गरेका छन् ।
यहाँ रहेका ट्वाइलेट जस्ताको छानो रहेका अर्को भवन र तीनदिशामा फैलिएको तीनकुने भवन भत्काउन केही दिनदेखि सुरु गरिएको छ ।
२ सय ५ रोपनीभन्दा धेरै जमिन रहेको सप्तपाताद पोखरी, दुई हजार तीन सय वर्ष पुरानो अशोक स्तूप र खाली जमिन रहेको यस ठाँउ २०३४ सालपछि अतिक्रमण गर्न सुरु भएको थियो । पोखरीमा भवन निर्माण थाहा पाएसँगै २०६१ सालमा पोखरी पुर्ननिर्माणको शिलान्याश भएसँगै विद्यालयले मुद्दा हालेको थियो ।
सरकारले २०३४ फागुन १२ गते सो जग्गा विद्यालयलाई दिएको थियो । राजदल गण ब्यारेक, ललितपुर जिल्ला अदालत, मालपोत कार्यालय ललितपुर, जिल्ला पशुसेवा कार्यालय लगायत विभिन्न सरकारी कार्यालय सप्तपाताल पोखरीकै जग्गामा निर्माण गरिएका हुन् । केही समय अघि सवोच्च अदालतले सो जग्गा ऐतिहासिक पोखरीकै कायम गरेपछि भवन भत्काइएको हो ।स्कूल गतवर्ष नजिकैको जग्गामा बहुतले भवन निर्माण गरेर सरेको छ । केही समयअघिसम्म यहाँ विद्यार्थीहरु पढ्थे । विद्यालयका सरसामानहरु नसारेको हँुदा भवन भत्काउने क्रममासमयमा छरपस्ट देखिन्थे ।