मच्छिन्द्रनाथको रथ निर्माणको क्रममा भाँचियो, केही युवक घाइते

दाजु प्रेमकृष्णको खुट्टामा चोट लागेको छ । म चाही हिड्न सक्ने हालतमा छु

ललितखबर
२८ चैत्र ।ललितपुरको पुल्चोकमा निर्माणाधिन रातो मच्छिन्द्रनाथको रथ निर्माणको क्रममा काँठ भाँचिदा केही युवकहरु सामान्य घाइते भएका छन् ।

रथ निर्माणमा संलग्न रविन्द्र बाराहीका अनुसार उनी आफू र प्रेमकृष्ण बाराही सामान्य घाइते छन् । उनले भने, दाजु प्रेमकृष्णको खुट्टामा चोट लागेको छ । म चाही हिड्न सक्ने हालतमा छु ।
मच्छिन्द्रनाथको रथ नेवारी समुदायका बाराही थर भएका स्थानीयले काठको काम पुरा गर्ने चलन छ ।

मच्छिन्द्रनाथको रथ विग्रेमा नराम्रो घटना घट्ने धार्मिक विश्वास छ । २०७२ सालको भुकम्पको बेला १२ बर्षे जात्राका क्रममा भैसेपामटीमा रथ विग्रेको थियो । रथ विग्रेमा क्षमा पुजा गरेर सुचारु गर्ने चलन छ ।

उपत्यकाको लामो जात्राको रुपमा परिचित मच्छिन्द्रनाथको जात्रा पुल्चोकबाट रथ तानेर सुरु हुन्छ । पाटनका विभिन्न स्थानमा रथ यात्रा पछि ललितपुरको जावलाखेलमा ल्याएपछि राष्ट्रप्रमुखको उपस्थितीमा भोटो देखाएर समापन गरिन्छ ।

हरेक १२ बर्षमा भने रथ पाटनबाट तालेर बुङमती लगिन्छ । भोटो देखाइन्छ , २०८४ सालमा बाह्र बर्षे जात्रा हुँदैछ ।