काठमाडौं महानगरले सामुदायिक विद्यालयको कक्षा ११ का विद्यार्थीलाई दिने छात्रबृत्तीको परिक्षा लिने

निजी विद्यालयले कक्षा ११ का विद्यार्थीहरूका लागि वितरण गर्ने छात्रवृत्तिको लागि विद्यार्थी छनोट सम्बन्धी परीक्षा शैक्षिक सत्र २०८०/०८१ देखि काठमाडौँ महानगरपालिकाले आफै नै सञ्चालन गर्ने भएको छ

१७ असार । काठमाडौं महानगरपालिकाले सामुदायिक विद्यालयका कक्षा ११ का विद्यार्थीलाई दिने छात्रबृत्तीको परिक्षा लिने भएको छ ।

महानगरका मेयर बालेन शाहका अनुसार काठमाडौँ महानगरपालिका शिक्षा ऐन, २०७५ तथा शिक्षा नियमावली, २०७४ मा व्यवस्था भए बमोजिम काठमाडौँ महानगरपालिका अन्तर्गतका निजी विद्यालयले कक्षा ११ का विद्यार्थीहरूका लागि वितरण गर्ने छात्रवृत्तिको लागि विद्यार्थी छनोट सम्बन्धी परीक्षा शैक्षिक सत्र २०८०/०८१ देखि काठमाडौँ महानगरपालिकाले आफै नै सञ्चालन गर्ने भएको छ ।

महानगरले सामुदायिक विद्यालयमा अध्ययन गरेको, जेहेन्दार, पिछडिएको क्षेत्र, जनजाती, आदिवासी,गरिव लगायतका छनोटका आधार तयार गरी योग्यताक्रमका आधारमा छात्रवृत्ति प्रदान गरिने मेयर शाहले सामाजिक सञ्जालमार्फत सर्वसाधारणलाई जानकारी दिएका छन् ।