काठमाडौंको फोहोर व्यवस्थापनमा फेरि अवरोध

१ साउन ।  काठमाडौं उपत्याकाको फोहोर व्यवस्थापनमा नुवाकोटको ककनी र धादिङको धुनीबेंसीका बासिन्दाले पुनः रोक लगाएका छन् । स्थानीयसँगै जनप्रतिनिधिले काठमाडौंबाट फोहोर बोकेर गएका गाडीहरु बाटोमै रोकिदिएका छन् ।

एक वर्ष हुँदा पनि सरकार र काठमाडौं महानगरसँग भएका सहमति कार्यान्वयन नभएको भन्दै उनीहरुले फोहोर व्यवस्थापन गर्न रोक लगाएका हुन् । फोहोर बोकेका करिब ५० वटा गाडी स्थानीयले रोकेको बताइएको छ ।

संघीय सरकारले व्यवस्थापनमा चासो नदिएको र काठमाडौं महानगरपालिकासहितका स्थानीय तहले अव्यवस्थित तवरले फोहोर फालेको उनीहरुको भनाइ छ ।