जो मच्छिन्द्रनाथको मूर्ति रंगाउछन्

२२ चैत्र,मच्छिन्द्रवहाल । पाटनको मच्छिन्द्रवहालस्थित मन्दिर परिसरमा बुधबार स्थानीय अमिर निकु मूर्ति रंगाउन आगोमा पालिस तताउदै थिए । जव पालिस तात्यो उनले मूर्तिमा लगाए । मच्छिन्द्रनाथको मुर्ति टलक्कै टल्कियो ।
अमिर हुन् पाटनका निकु परिवारका सदस्य । पाटनमा उनीका दाजुभाई बाहेक निकु परिवार छैन । परापुर्व कालमा मच्छिन्द्रनाथको मूर्तिमा आकृति कोर्न उनको परिवारलाई भक्तपुरबाट ल्याएको जनश्रृति रहेको अमिर वताउछन् । मच्छिन्द्रनाथको मूर्तिको आकृति कोर्न उनको परिवारले मात्रै पाउछ । उनको पुस्ताले ५ वर्षदेखि मूर्तिमा आकृति कोरिरहेको वताए । उनले भने, ‘त्यसअघि बुबा र काकाले मूर्ति कोर्दै आउनु भएको थियो । हामी अफिस जान्थ्यौ।’

बाजे एक जना मात्रै हुनु हुन्थ्यो । बाजेका भने चार भाई छोरा जन्मिए । अमिरसहित गम्भिर र समिरलगायत मिलेर आजकल मच्छिन्द्रनाथको मूर्तिमा रंग लगाइरहेका छन् ।
मच्छिन्द्रनाथको मूर्तिमा ५ दिन लगाएर चित्र कोरिन्छ । चित्र कोर्दा ब्रत बस्नु पर्छ । चैत्र शुक्ल अष्ठमीदेखि द्वादशीसम्म लगाइन्छ । अरुले छुन नपाएको भगवानको मूर्तिमा चित्र कोर्न पाउदा अमिर दंग छन् । अमिर भन्छिन् । भगवानको काम गर्न पाउदा खुशी लाग्छ ।

मच्छिन्द्रनाथको जात्राभित्र धार्मिक सहिष्णुताको अनुपम नमूना देख्न पाइन्छ । मच्छिन्द्रनाथलाई पाटनका हिन्द् र वौद्ध धर्मालम्बीहरुले समान रुपमा पुज्दै आइरहेका छन् । वुद्ध भगवानलाई मान्नेहरु करुणामयको रुपमा पुज्दै आएका छन् ।