कोञ्ज्योसोममा प्रधानमन्त्री स्वरोजगार शुरु

लपु संवाददाता
५ असार ०७६, ललितपुर । कोञ्ज्योसोम गाँउपालिकामा प्रधानमन्त्री स्वरोजगार कार्यक्रम शुरु भएको छ । गाँउपालिकाका प्रमुख गोपिलाल स्याङ्गतानले चौघरेस्थित गाँउपालिकाको कार्यालय परिसरमा विहाीबार (असार ५ गते) सहभागीलाई हातमा बेल्चा दिएर कार्यक्रमको विधिवत शुरुवात गरे ।
रोजगार कार्यक्रमका लागि गाँउपालिकाभरबाट जना ३६ जना छनौट भएको गाँउपालिकाका सामाजिक विकाश समिती संयोजक ध्रुवप्रसाद घिमिरेले बताए ।

उनका अनुसार दलचोकी शंखु र लेले चन्दनपुर बाटोको लागि ड्रेन निर्माण गर्न युवाहरु खटिने छन् । उनले भने,‘वर्षाको बेलामा पानीको भेलका कारण सडक भत्कने खतरा हुने हुँदा बर्षे भेल व्यवस्थित गर्न पनि हामीलाई श्रमिकहरु आवश्यक थियो । योजगार कार्यक्रमले गाउपालिकालाई सहयोगी भएको छ ।’