गौशालामा एक व्यक्तिमाथि चक्कु प्रहार, घटनास्थलमा पेस्तोल भेटियो

१५ असोज । काठमाडौंको गौशालामा एक व्यक्तिमाथि चक्कु प्रहार भएको छ । चक्कु प्रहारबाट ३८ वर्षीय साविर हुसेन घाइते भएका छन् ।

घाइते हुसेनको सिनामंगलस्थित काठमाडौं मेडिकल कलेजमा उपचार भइरहेको छ । उनको खुट्टामा चोट लागेको बताइएको छ ।

घटनास्थलबाट प्रहरीले एक थान पेस्टोल समेत बरामद गरेको छ । चक्कु प्रहार गर्ने व्यक्तिको खोजीकार्य भइरहेको प्रहरीले बताएको छ ।