टुटेपानीस्थित सडकको चैत्य भत्कियो

लपु संवाददाता
१३ असार ०७६, ललितपुर । ललितपुर सातदोवाटो टुटेपानी सडकको बीचमा रहेको चैत्य भत्केको अवस्थामा भेटिएको छ ।
टुटेपानीमा मोटरसाइकल वर्कशप चलाएर बसेका राजेश चौधरीले घरवेटीको भनाई उदृत गर्दै मिनी टाटाले चैत्य भत्काएको दावी गरे । सातदोवाटोबाट चापागाँउतर्फ जाँदै गरेको गाडीले चैत्य भत्काएको दावी गरेपनि गाडी गुड्ने बाटोबाट चैत्य विपरित दिशातर्फ रहेको छ । चैत्य भत्केपछि स्थानीय रवि तामाङ्गले त्रिपालले छोपेका छन् ।
भत्केको स्तुपा ललितपुर महानगरपालिका १५ का वडा सदस्य सन्तोष खनालले चाडै स्तुपा पुर्ननिर्माण गरिने बताए ।

चैत्य भत्केको ठाँउ नजिकै सिसि क्यामेरामा रहेकोले फुटेज हेरेपछि घटनाबारे जानकारी पाइने एक स्थानीयले बताए ।
चैत्य भत्केको ठाँउमा गाडीको साइड लाइटको टुक्राहरु भेटिएको छ । घटनास्थलमा महानगरिय प्रहरी वृत्त सातदोवाटोका प्रहरीले हेरेर फर्केका छन् ।
सडक बिस्तारको क्रममा पुरातात्विक चैत्य भएको भन्दै स्थानीय बासिन्दाले भत्काउन नमानेपछि सडकको बीचमै राखेर कालोपत्रे गरिएको थियो । पाटीसँगै धारा इनार र पाटी पनि छ ।
सातदोवाटो क्ष्ोत्रमा बस्ती विस्तार नहुँदा वटुवाले
यहाँ पाटीमा भारी विसाएर बस्थे ।