क्याम्पस अगाडि फोहोर फ्याकेको विरोधमा प्रर्दशन

लपु संवाददाता
१५ असार ०७६, भृकुटीमण्डप । राजधानीका भृकुटीमण्डप सडकमा फोहोर फ्याकेको भन्दै वाल्मिकी क्याम्पसका विद्यार्थीहरुले प्रर्दशन गरेका छन् । केही दिनदेखि यस ठाँउमा फ्किएको फोहोर महानगरले नउठाएपछि दुर्गन्ध बढेको थियो भने विद्याथीहरुलाई सास्ती बढेको थियो ।

विद्यार्थीहरुले महानगरपालिका र ठेकेदारलाई तोकेरै चर्का नारा लगाए । नारावाजी संगै विद्यार्थीहरुले सडकमा फोहोर समेत बालेका थिए भने सडक अवरुद्ध भएको थियो ।
नारावाजीकै बीच मजदुरहरुले फोहोर उठाउन थालेका छन् । विद्यार्थीहरुले नारावाजी गर्न थालेपछि वरपरका स्थानीय,व्यापारी, विद्यार्थीहरु समेत रमिते बनेर हेरिरहेका देखिन्थे ।