चापागाँउ सडकबारे सिलवालले भने ‘चिन्ता नगरे हुन्छ’

लपु संवाददाता
२६ असार ०७६, बज्रवाराही । विहीबार मध्यललितपुरको बज्रवाराहीमा आयोजित कार्यक्रममा जम्काभेट भएका ललितपुरका नेताहरुबीच चापागाँउ, गोदावरी , भैसेपाटी र लूभूको सडकको अवस्थाको विषयमा आरोप प्रत्यारोप चलेको छ । वर्षे भेलले हिलाम्मे सडकमा स्थानीय बासिन्दा हिड्नै नसक्ने अवस्था रहेको समयमा विकाशका पुर्वाधार निर्माणको पहल कदमी लिने जिम्मेबार सासंदहरुले मुखामुख गरेका हुन् ।

ललितपु्र काँग्रेस सभापति मदनबहादुर अमात्यले केन्द्र सरकारले ललितपुरका सडक उनले भने,‘नागरिकको सम्पतीको रक्षा गने भन्दै हामी सबै पार्टीले संविधानमा हस्ताक्षर ग¥यो तर सरकारले सडक वरपरका बासिन्दालाई मुआव्जा नदिई जनताको सम्पती लुट्न लागेको छ ।’
जनताको सम्पती राज्यले लिदा पैसा दिनु पर्ने तर्क गर्दै अमात्यले भारतमा चलनचल्तीको मूल्यभन्दा ५० प्रतिशतसम्म थप रकम दिएर मात्रै जनताको सम्पती अधिकरण गर्ने गरेको स्मरण गरे । अमात्यको तर्क थियो जनताको व्यक्तिगत सम्पत्ती राज्यले पेलेर लिन पाइदैन । उनले थपे,‘जनताको सम्पत्ती राख्न पाउने मौलिक हक खोस्न पाइदैन ।’
पुर्वसासंद उदउशम्सेर राणाले ललितपुरको काँठ क्षेत्रको प्रमुख समस्या शहरसँग जोड्ने सडक रहेको विचार व्यक्त गरे । उनले भने ‘तत्काल सडक विस्तार नहुने हो भने यथास्थितीमा कालोपत्रे गर्नुपर्छ । कालोपत्रे गर्न १०÷१५ करोड लाग्ने भए पनि जनताका लागि त्यो रकम कुनै ठूलो होइन ।’ राणाले यथास्थितीमा सडक कालोपत्रे गरेपछि सडक विस्तारको योजना अघि बढाउदा हुने तर्क गरे । कान्तिलोकपथको हेटौडा टाहाखेल खण्ड सडक निर्माण पुरा हुँनै लाग्दा सातदोबाटो चापागाँउखण्ड निर्माण नहुँदा ट्राफिक जामका कारण भयावह हुनेतर्फ राणाले सचेत गराएका थिए ।
ललितपुर १ का संघीय सासंद नवराज सिलवालले सत्ता बाहिरका नेताहरुले उठाएको प्रश्नको जवाफ दिदै चिन्ता नगर्न आग्रह गरे । उनले भने,‘अर्थमन्त्रीले यहाँका घरहरुलाई कति मुआव्जा दिनपर्छ । हिसाव गर्दै हुनुहुन्छ । अहिले पुरा हुनै लाग्यो होला । मुआव्जा वितरण गरेर अव चाडै घर भत्काइन्छ । अनि सडक विस्तारसँगै कालोपत्रे भइहाल्छ ।’

सिलवालले सडकमात्रै राम्रो भएर नहुने सडकमा हिड्ने मान्छे पनि समृद्ध हुनुपर्ने वताए । उनले भने,‘सडक चाही बनाउने तर त्यो सडकमा हिड्ने मान्छे चाही आर्थिक रुपमा सवल नहुने भए त्यो सडक बनाएर मात्रै के गर्ने ? भन्दै प्रश्न गरे । उनले थपे,‘स्कूल बनाउ,हस्पिटल बनाउ, पर्यटनका कामहरु गरौं न ।’
नेकपाकी नेता पम्फा भुसालले सातदोवाटो चापागाँउ सडक १० बर्षअघि ठेक्का लागेको भए पनि काँग्रेस नेता उदय शम्सेर राणाको कार्यकालमा एउटा पनि इट्टा नथपिएको आरोप लगाइन् । उनले भनिन्,असोज कार्तिकसम्म सडक कालोपत्रे नभए पुरानो टेण्डर खारेज गरेर नयाँ टेण्डर लगाई सडक कालोपत्रे गर्छौं । ’