दशैं तिहार र छठमा नेपाल प्रहरीले बिदा नपाउने

१३ असाेज ०७६, ललितपुर । प्रहरी प्रधान कार्यालयले आन्तरिक र प्रशासन कार्यमा खटिएकाबाहेक दशैं, तिहार, छठ लगायत शान्तिसुरक्षा व्यवस्थापन र अपराध नियन्त्रणमा परिचालन जनशक्तिलाई घरबिदा नदिन महानगरिय प्रहरीसहित सातवटा प्रदेश र जिल्लाका प्रहरी कार्यालयलाई पत्रचार गरेको छ ।

सुत्केरी स्याहार र क्रिया बिदाबाहेक कसैलाई पनि घरबिदामा दशैं अवधिभर नछाड्न देशभरका कार्यालयमा पत्रचार गरिएको प्रधान कार्यालयले बताएको छ । घरबिदामा जान नपाएका फौजले ब्यारेकमै दशैं मनाउनेछन् ।