२९ असोज २०७६, ललितपुर । ललितपुरको निदान अस्पतालमा नक्कली व्यक्ति खडा गरी मिर्गौला प्रत्यारोपण गरेको भन्दै प्रहरीको मानव बेचबिखन अनुसन्धान ब्यूरोले पाँच जनालाई पक्राउ गरेको छ ।
एक व्यक्तिको नाममा नक्कली व्यक्ति खडा गरी मिर्गौला झिकेर किनेर अर्को व्यक्तिको शरिरमा राखेको आरोपमा बुधबार काठमाडौँका विपेन्द्र प्रधान, डा राजेश पन्त, ललितपुरका रामचन्द्र आले, कञ्चनपुरका कुमुदकुमार भट्टराई र रामेछापका शङ्करलाल लामा रहेका छन् । ब्यूरोका प्रवक्ता प्रहरी उपरीक्षक गोविन्द थपलियाले निदान अस्पतालमा अर्काको नाममा मिर्गौला झिकी किनबेच तथा प्रत्यारोपण गराएको भन्ने विशेष सूचनाका आधारमा पक्राउ गरेको जानकारी दिए ।
यी पक्राउ परेका व्यक्तिलाई मानव बेचबिखन तथा ओसारपसार (नियन्त्रण) ऐन, २०६४ अनुसार अनुसन्धान भइरहेको ब्यूरोले जानकारी दिएको छ ।
प्रतिक्रिया