चापागाँउ सडक मर्मतको माग, संर्घण समिती गठन

लपु संवाददाता
१५ कार्तिक ०७६, चापागाँउ । चापागाँउ सडक मर्मतको माग राखेर स्थानीय रामभक्त महर्जनको संयोजकत्वमा २१ सदस्यीय संर्घष समिती गठन भएको छ ।
चापागाँउको बज्रवाराहीमा शुक्रबार विहान आयोजित भेलाले यो समिती गठन गरेको हो ।
काँग्रेस नेता तथा स्थानीय मीनकृष्ण महर्जनले संर्घण समितीको गठन भएपछि अव दवावमुलक कार्यक्रम आयोजना गरिने तर सडक बन्द गरेर जनतालाई दुःख दिने काम नहुने बताए । उनले भने, ‘हामी निरन्तर जनप्रतिनिधिहरुदाई दबाब दिन्छौं ।’

गतहप्ता शुक्रबारबाट सडक मर्मतका लागि सडक बन्द गर्ने स्थानीयबासीले घोषणा गरेको भए पनि बन्द भने भएन । नेता मिनकृष्ण महर्जन कसैले मदिरा सेवन गरेर सामाजिक सञ्जालमा लेखेको प्रतिकृया दिदै भने, ‘हाम्रो काम सडक बन्द गरेर जनतालाई दुःख दिने होइन । यस्तो काम हुन सक्दैन ।’

नगरपालिकामा डेलिगेश
संर्घण समितीले गोदावरी नगरपालिकामा पुगेर मेयर गजेन्द्र महर्जनलाई सडक मर्मतका लागि दबाब दिने भएको छ । अपरान्ह समितीले नगरपालिकामा डेलिगेशन जाने कार्यक्रम तय गरेको छ ।
गोदावरी नगरपालिकाका मेयर गजेन्द्र मर्हजनले केही समयपछि संघार्ष समितीको डेलिगेशनसँग भेटघाट कार्यक्रम तय भएको पुष्टी गरे । उनले भने, ‘अहिले सडक बन्द गरेर अघि बढ्नु आवश्यक छैन । सडक मर्मतका लागि सामान झर्ने काम भइरहेको छ ।’ उनले भने, छठपछि तिब्र गतिमा काम हुन्छ ।