गोदावरीमा अवैद्य निर्माण सामाग्री ओसारे जरिवाना

२ फागुन ०७६, चापागाँउ । नगरपालिकाले स्वीकृति नलिइ ढुङ्गा,गिट्टीलगायत खानीजन्य सामाग्री ओसारपसार गरे कारवाही गर्ने भएको छ ।
नगरपालिकाको छैटौं नगरसभाको निर्णय अनुसार यसरी स्वीकृतविना निर्माण सामाग्री ओसार पसार गरेको भेटिएमा नगरपालिकाले जफत गर्ने बताइएको छ । जफत गरिएको सामाग्रीसँगै जरिवाना पनि सभाले तय गरेको छ । पहिलो पटक अनुमति बिना निर्माण सामाग्री ओसारेको पाइएमा रु १० हजार ५०० जरिवाना लाग्नेछ । दोस्रो पटक दोब्बर दस्तुर लाग्नेछ । तेस्रो पटक तेब्बर जरिवाना तथा अवैध रुपमा ढुङ्गा, माटो गिट्टी, बालुवा ओसारपसार गरी जफत गरिएको गाडीको जरिवाना प्रथम पटक रु सात हजार ५००, दोस्रो पटक दोब्बर दस्तुर र तेस्रो पटक तेब्बर जरिवाना लिने भएको बताइएको छ ।