कोरियाका नेपालीलाई कोरना भाइरसबाट बच्न दुतावासको आग्रह

११ फागुन ०७६,काठमाडौं । दक्षिण कोरियामा रहेका नेपाली विद्यार्थी र श्रमिकहरुलाई कोरोना भाइरसको संक्रमणबाट बच्नका लागि सचेत रहन कोरियाका लागि नेपाली दुतावासले विज्ञप्ती निकालेर अपिल गरेको छ ।
केही समयअघिदेखि चीनबाट विश्वभर फैलिरहेको कोरोना भाइरस कोरियामा तीब्र गतिमा फैलिएको समाचार आएपछि नेपालीहरु लाई सचेत रहन दुतावासले आग्रह गरिएको हो ।
कोरियाको थुगु वरपरका स्थानमा कोरोना संक्रमित व्यक्तिहरु रहेको बताइएको छ । यो ठाँउमा उल्येख्य नेपाली विद्यार्थी र श्रमिक रहेकाले दुतावासले विज्ञप्ती निकालेर सचेत गराएको हो ।
अन्तर्रा्ष्ट्रिय सञ्चारमाध्यमका अनुसार चीनको वुआन सहरबाट फैलिएको कोरोना भाइरस दक्षिण कोरियाका चार सयभन्दा धेरै मानिस संक्रमित बनेका छन् ।
दुतावासले जारी गरेको विज्ञप्तीमा भनिएको छ ,‘सम्बद्ध निकायबाट हुँदै आएका नियन्त्रण र रोकथामका सशक्त प्रयासका बाबजुद दक्षिण कोरियामा कोरोना भाइरसको संक्रमण दिनानुदिन बढ्दै गएको प्रति हामी अझै बढी सजग र सचेत हुन जरुरी छ ।’
कोरियामा अवैध रुपमा बसेका नेपालीलाई कोरिया सरकारले केही नगर्ने भएकोले अवैद्य कामदारले विशेष शावधानी अपनाउन दुतावासको सुझाव छ । शंका लागेका नेपालीहरुलाई तत्काल स्वासथ्य संस्थामा गएर जचाउन समेत दुतावासले अपिल गरेको छ