आरोग्य फाउण्डेशनका विरामी सडकमा पालो कुर्दै

लपु संवाददाता
३ जेठ ०७७, पुल्चोक , ललितपुर । आरोग्य फाउण्डेशन पुल्चोकमा डायलासिस गर्न पुगेका विरामी सडकमा बसेर पालो कुर्नु परेको छ । कोरोना संक्रमित विरामी रहेको कारण बुधबार निदान अस्पताल क्षेत्र सिल गरेपछि यो यहाँ बाहिरका मान्छे जान अनुमती थिएन ।
हप्ताको ३ पल्ट डायलासिस गर्नु पर्ने हुँदा अस्पतालको ढोकैमा बसेर भित्र पस्न पालो कुर्नु परेको विरामी किरण थापाले गुनासो पोखिन् । भनिन्, ‘बस्ने ठाँउ छैन । विरामीलार्इं बस्ने व्यवस्था गरेको भए हुन्थ्यो ।’

मध्यान्हमा सडकमा बसेर अस्पताल छिर्न पालो कुरिरहेकी दुर्गा मास्के आफ्नो पति बैकुष्ठ मास्केलाई डायलासिस गर्न ल्याएको बताइन् । भनिन्, ‘कोरोना संक्रमणको त्रास रहेको बेला सिल गरेको यही अस्पताल आउनु परेको छ ।’
अस्पताल वरिपरि सावधान लेखिएको डोरी टाँगिएको छ । अस्पतालको गेटमा ज्वरो जाँच्ने स्वास्थ्यकर्मी बसीरहेकी छिन् । अस्पतालभित्र सुनसान छ ।
बोलाएपछि मात्रै विरामी भित्र जान पाउने अस्पतालको गेटमा तैनाथ एक सुरक्षाकर्मीले जानकारी दिए ।
निदान अस्पतालपरिसरमा आरोग्य फाउडण्ेशनले मृगौला का विररामीहरुको लागि नियमित डायलासिस गरिरहेको छ