ललितपुरमा भुकम्प लगत्तै बनेका मापदण्ड विपरितका घरहरुले समेत पाए भुक्तानी

लपु संवाददाता
१८ असार ०७७, ललितपुर । भुकम्प गए लगत्तै  भुकम्पपिडितहरुले बनाएका  मापदण्ड वितरित घरले समेत ३ लाख रुपैयाँ सरकारी अनुदान पाएका छन् । भुकम्पपछि मापदण्ड निर्धारण अघि बनाइएका मापदण्ड विपरितका घरको अनुदान लिन स्थानीय निकायको सिफारिस भने जरुरी हुने पुर्ननिर्माण प्राधिकरण ललितपुरका प्रमुख शिवराम गेलालले बताए ।
यसरी भुक्तनी पाउनका लागि लम्बाई चौडाईलगायतको घरको आकार प्रकार सहित प्राविधिकको समेत सिफारिस भने चाहिने प्रधिकरण ललितपुरका विज्ञ यामनाथ गिरीको भनाई छ । स्थानीय निकायसँगै प्राविधकको सिफारिसमा बनाइएका मापदण्ड विपरितका ललितपुरका वटा घरहरुलाई अहिलेसम्म ३ लाख रुपैया दिइएको बताए ।
केही समयअघि यो निर्णय भएको भए पनि भर्खरै कार्यान्वयनमा आउको गिरीले ललितपुर खबरलाई बताउनु भयो । उहाँले भन्नुभयो, लकडाउनअघि केही घरले यस्तो अनुदान लिएर गएका थिए ।

लकडाउनको अवधिसम्म ४ सय ५० घरले यो अनुदान लिइसकेका छन् । ललितपुरमा भुकम्पलगत्तै मापदण्डविपरितका २ हजार घर रहेको गिरीको अनुमान छ । उनका अनुसार यस्ता खाले घर ललितपुर महानगरमा धेरै छन् ।