चापागाँउको प्याङ्गगाँउ सडकमा अझैं पाकिङ्ग, बेवारिस भयो नगरपालिकाको सूचना

लपु संवाददाता
२६ साउन ०७७, प्याङ्गगाँउ । गोदावरी नगरपालिकाको आदेश उलंगन गर्दै चापागाँउको प्याङ्गगाँउ सडकमा पार्किङ्ग गर्ने क्रम अझै रोकिएको छैन ।
सडकको दुवैतर्फ अनावश्यक दिनभर पार्किङ्ग गर्ने गरिएपछि दुर्घटना बढेका,े पैदलयात्रीलाई सास्ती भएको, व्यापारीको पसल छेकिएको र व्यावसायमा समेत बाधा परेको भन्दै स्थानीय बासिन्दाले निरन्तर विरोध गर्ने गरेपछि गोदावरी नगरपालिकाले सूचना प्रकाशन गरेर पार्किङ्ग हटाउने निर्णय सार्वजनिक गरेको थियो ।
सडकको दुवैतर्फ पार्किङ्गका कारण दुर्घटना भएको भन्दै स्थानीयबासीले सडक छेकेर यहाँ प्रर्दशन समेत भएको थियो ।
निर्माण समाग्री लोड अनलोड गर्न यहाँ दिनभर १६ चक्के गाडी, बस,पिकअप पार्किङ्ग गर्ने गरिएको स्थानीय दिनेश घिमिरेले बताए । उनका अनुसार पार्किङ्गका कारण दैनिक जाम हुने क्रम रोकिएको छैन ।

साथै हरेक साँझ प्याङ्गगाँउदेखि टाहाखेलसम्म निर्माण सामाग्री बोकेका टिपर लाइनै पार्क गर्दा समस्या खडा भएको छ । साँझ प्रहरीले पालै पालो टिपर छोड्ने गरेको छ ।
गोदावरी नगरपालिका वडा नं. १० का वडाध्यक्ष दर्शनकुमार विष्टले गाडीवालाहरुले अटेर गरिरहे केही दिनमा ह्वील लकर ल्याएर लगाउने विषयमा छलफल भइरहेको बताए । उनले भने,‘हामी सडकमा नो पाकिङ्गलगायत ट्राफिक साइन राखेर जनचेतना फैलाउने सोचमा छौं । यस विषयमा ट्राफिकसँग छलफल भइरहेको छ ।’

चापागाँउ ट्राफिक प्रमुख कुँदन कुमार साहले अहिले धेरै जना ट्राफिक क्वारेन्टाइनमा रहेकाले कारवाही गर्ने अवस्था नरहेको बताएका छन् । उनले भने,विहान १०बजेदेखि कोरोनाका कारण टिपर गुड्न निशेध गरेकोले दिउसैदेखि पालो कुर्न सडकमा टिपर आउने गरेका समस्या देखिएको हो ।
नगरपालिकासँग छलफलमा सडकमा ट्राफिक चिन्ह राख्ने तयारी रहेको साहले ललितपुर खबरसँगको कुराकानीमा बताएका छन् ।