३ भदौ ०७७, काठमाडौं । बानेश्वर शान्तिनगरस्थित् ग्लेसियर इन्टरनेसनल स्कुल एबं कलेजले नेपाली सिने जगतका चर्चित अभिनेता बिपिन कार्कीलाई ब्राण्ड एम्बेस्डर नियुक्त गरेको गरिएको छ । छड्के, जात्रा, जात्रै जात्रा, गोपी, सेल्फी किङ, पशुपतिप्रसाद जस्ता चर्चित चलचित्रहरुमा आफ्नो अब्बल अभिनयका साथ दर्शकमाझ लोकप्रिय अभिनेता बिपिन कार्कीलाई भाद्र १ गतेदेखि लागू हुने गरि ब्राण्ड एम्बेसडरमा नियुक्त गरिएको कलेज तथा स्कूल व्यवस्थापक समितिले बुधबार जानकारी गराएको हो ।
कलेजका प्रिन्सिपल दिवश शाक्यले शिक्षा क्षेत्रमा मनोरञ्जन र कला क्षेत्रलाई पनि जोड्नुपर्ने आवश्यकत्ता औल्याउँदै नायक कार्कीले आफ्नो भूमिका खरो रुपमा निभाउने विश्वास दिलाएका थिए ।
उनले नायक कार्कीलाई ब्राण्ड एम्बेस्डर बनाउन पाउनु स्कुल एवं कलेजको लागि पनि गौरवको विषय भएको बताए । शाक्यले कोरोना महामारी रोकथाम तथा नियन्त्रणको लागि लकडाउन गर्दा मारमा परेका पत्रकारका पाँच जना छोराछोरी र कलाकारका पाँच जना छोराछोरीलाई निःशुल्क पढाईनेपनि जानकारी दिएका थिए ।
कार्यक्रममा एशोसिएट प्रोफेसर सरोज मिश्रले फिल्म एक्टरहरुको फलोअर्स धेरै हुने सुनाउँदै नायक कार्कीले सही कुरालाई सही र गलत कुरालाई गलत भनेरस्कूल तथा कलेज व्यवस्थापनलाई सल्लाहसुझाव दिनुपर्ने बताए ।
कार्यक्रममा नायक कार्कीले कलेजको ब्राण्ड एम्बेस्डर बन्न पाएकोमा खुशी व्यक्त गरे । उनले शिक्षा क्षेत्रमा कला क्षेत्रलाई सम्मान गरिएको महशुस भएको पनि बताएका थिए ।
स्कुल तथा कलेजको ब्राण्ड एम्बेस्डरको भूमिका रहने नायक कार्कीले विद्यार्थीहरुको क्षमता अभिवृद्धि र उनीहरुको हौसला बढाउने भूमिका निर्वाह गर्नेपनि व्यवस्थापक समितिले विश्वास लिएको छ ।
प्रतिक्रिया