ललितपुरको महालक्ष्मी नगरका मेयरलाई कोरोना पृष्टि भएपछि नगरपालिका कार्यालय बन्द

३० भदौं ०७७,ललितपुर । ललितपुरको महालक्ष्मी नगरपालिकाका मेयर रामेश्वर श्रेष्ठलाई कोरोना भारइसको संक्रमण पुष्टि भएपछि मंगलबारबाट इमाडोलस्थित नगरपालिकाको कार्यालय बन्द गरिएको छ ।
न्गरपालिकाले मंगलबार विज्ञप्ती प्रकाशित गरेर कार्यालय बन्द गरिएका जानकारी दिएको हो ।
कार्यालय असोज ४ गतेसम्म बन्द गरिएकोे नगरपालिकाका प्रमुख प्रशासकीय अधिकृत पुरुषोत्तम सापकोटाको हस्ताक्षरमा प्रकाशित विज्ञप्तीमा जनाइएको छ ।
महालक्ष्मी नगरपालिकाका मेयर रामेश्वर श्रेष्ठलाई कोरोना पुष्टि भएपछि कार्यालय बन्द गरिएको हो । प्रकाशित विज्ञप्तीमा नगरबासीको स्वास्थ्य सुरक्षालाई मध्यनजर दिँदै अत्यावश्यकबाहेकका सबै सेवा बन्द गरिएको उल्येख छ ।
मेयर श्रेष्ठलाई कोरोना संक्रमण भएपछि इमाडोलस्थित किस्ट मेडिकल कलेज, अस्पतालमा उपचाररत छन् । मेयर श्रेष्ठलाई कोरोना पोजेटिभ फेला परेपछि फेसबुकबाट आफ्ना सम्पर्कमा रहेका सबैलाई कोरोना परिक्षण गराउन फेसबुकमार्फत आह्वान गरेका छन् ।