ललितपुरमा विहीबार ५४ कोरोना संक्रमित फेला

लपु संवाददाता
१ असोज ०७७, ललितपुर । विहीबार ललितपुर जिल्लाभर ५४ जना कोरोना संक्रमित फेला परेका छन् । स्वास्थ्य कार्यालय ललितपुका अनुसार २२ महिला र २५ पुरुष सहित ललितपुर महानगरपालिकामा ४७ जना कोरोना संक्रमित भेटिएका छन् ।
महालक्ष्मी नगरमा ३ जना महिला र ३ जना नै पुरुष संक्रमित भेटिएपछि ६ जना पुगेको छ ।
गोदावरी नगरपालिकामा भने १ जना महिलामा मात्रै संक्रमण देखिएको छ ।
दक्षिण ललितपुर ३ गाँउपालिकामा भने विहीबार कुनै संक्रमित भेटिएनन् ।
विहीबार ललितपुरमा २६ जना महिला र २८ जना पुरुषमा कोरोनाा देखिएर ५४ जना पुगेको हो ।
अहिलेसम्म ललितपुर जिल्लामा ६ सय ६९ जना महिला र ८ सय ३६ जना पुरुष गरेर जम्मा १ हजार ४ सय ९५ जनामा संक्रमण देखि सकिएको स्वास्थ्य कार्यालय ललितपुरले जनाएको छ ।