१९ असोज ०७७, इमाडोल । महालक्ष्मी नगरका मेयर रामेश्वर श्रेष्ठ कोरोनामुक्त भएर अस्पतालबाट डिस्चार्ज भएका छन् । ललितपुरको इमाडोलस्थित किष्ट अस्पतालमा उपचार गराईरहेको मेयर श्रेष्ठको कारोना परिक्षण गर्दा रिपोर्ट नेगेटिभ आएपछि डिस्चार्ज गरिएको महालक्ष्मी नगरपालिकाका प्रमुख प्रशासकिय अधिकृत पुरषोत्तम सापकोटाले जानकारी दिएका छन् ।
गएको भदौं ३० गते परिक्षणको क्रममा श्रेष्ठलाई कोरोना भाइरसको संक्रमण देखिएको थियो ।
मेयर श्रेष्ठकी श्रीमती अञ्जिका श्रेष्ठ समेत संक्रमित थिइन् । उनी १९ औं दिन कोरोना मुक्त भएकी थिइन् । भने मेयर श्रेष्ठ २२ औं लिन घर फर्केका हुन् ।
मेयर श्रेष्ठले आफ्नो उपचारमा संलग्न डाक्टरहरुलाई धन्यवाद दिएका छन् भने नगरवासीलाई कृतज्ञता व्यक्त गरेका छन् ।
अहिले महालक्ष्मी नगरमा करिव २ सयको संख्यामा कोरोना संक्रमित फेला परिसकेका छन् भने यो नगरपालिकाका २ जना निधन भइसकेको छ ।
प्रतिक्रिया