ललितपुरमा एकै दिन २ सय ६१ जनामा कोरोना संक्रमित

१९ असोज ०७७, ललितपुर । ललितपुरमा एकै दिन २ सय ६१ जनामा कोरोना संक्रमण भेटिएको छ । सोमबार ललितपुरमा १ सय १८ महिला र १ सय ४३ पुरुषमा कोरोना पुष्टि भएको जानकारी दिइएको छ ।
स्वास्थ्य कार्यालय ललितपुरका अनुसार सोमबार ललितपुर महानगरमा ९२ महिला र १ सय ७ पुरुष गरि १९९ जनामा कोरोना संक्रमण फेला परेको छ ।
महालक्ष्मी नगरपालिकामा २१ महिला र ३० पुरुष सहित ५१ जना संक्रमित भेटिएका छन् । गोदावरी नगरपालिकाभित्र भने ६ महिला र ४ पुरुषमा कोरोना भेटिएको छ ।
दक्षिण ललितपुरको माहाकाल गाएपालिकामा भनने १ जना पुरुषमा संक्रमण देखिएको छ ।
अहिलेसम्म ललितपुरमा ३ हजार २ सय ६३ जनामा कोरोना भेटिसकेको छ । कोरोनाकै कारणले २९ जनाको निधन भइसकेको छ ।