ललितपुर माहानगर २४ धापाखेलको कार्यालय बन्द

लपु संवाददाता
२९ असोज ०७७, ललितपुर धापाखेल ः कोरोना संक्रमणको जोखिम बढेको भन्दै धापाखेलस्थित महानगरको वडा नं. २४ विहीबारबाट अनिश्चित कालसम्मका लागि बन्द गरिएको छ ।
वडाध्यक्ष दिनेश कार्कीले विहीबार विज्ञप्ती प्रकाशित गरेर कार्यालय बन्द गर्ने निर्णय गरेको जानकारी दिएका हुन् । कार्किले विज्ञप्तीमा भनेका छन्, कोरोना भाइरसको संक्रमणको उच्च जोखिम रहेको र समुदायस्तरमा नै संक्रमण फेलन थालेकोले कार्यालय खोल्दा अझ जोखिम बढ्ने हुँदा अनिश्चित समयसम्मका लागि अत्यावश्यक बाहेकका सबै सेवा बन्द गरिएको छ ।
वडाध्यक्ष कार्कीले अत्यावश्यक कामका लागि मोवाइल नम्बर समेत उल्येख गरेर सूचना प्रकाशित गरेका छन् ।