गोकर्णेश्वरमा हालसम्म एक हजार २५९ जनामा कोरोना

१३ कात्तिक ०७७, काठमाडौं । गोकर्णेश्वर नगरपालिकामा हालसम्म एक हजार २ सय ५९ जनामा कोरोना सङ्क्रमण पुष्टि भएको छ । नगरपालिकामा हालसम्म ६ सय ६७ पुरुष र ५ सय ९२ महिलामा कोरोना पोजेटिभ देखिएको नगरपालिकाको स्वास्थ्य शाखाले जनाएको छ । जसमध्ये ४ सय ४६ पुरुष र ३ सय ९७ महिला गरी ८४३ जना निको भएका छन् । नगरपालिकामा नौ पुरुष र आठ महिलाको कोरोनाबाटै निधन भएको नगर प्रवक्ता मनोजकुमार ढुङ्गानाले जानकारी दिउका छन् ।
नगरपालिकामा हाल २ सय १२ पुरुष र १ सय ८७ महिला गरी ३ सय ९९ सक्रिय सङ्क्रमित छन् । होम आइसोलेसनमा २ सय ३ पुरुष र १ सय ७६ महिला गरी ३ सय ७९ जना आराम गरिरहेका छन् । अस्पतालको आइसोलेसनमा नौ पुरुष र ११ महिला गरी २० जना छन् ।
कोरोना भएका चार पुरुष र एक महिला गम्भीर उपचारमा रहेको नगरपालिकाले जनाएको छ । नगरपालिकामा एक हजार ५ सय २८ पुरुष र एक हजार ४ सय ४ महिला गरी दुई हजार ९ सय ३२ जनाको पिसिआर परीक्षण गरिएको छ ।