ललितपुरका यस्ता प्रहरी ः जसले फिर्ता गरे भेट्टाएको डेढ लाख

२६ कात्तिक ०७७, काठमाडौं । एक्कासी लार्खौ रुपैयाँ बाटामा भेट्टाए धेरैले इमानदारीपुर्वक फिर्ता गर्दैनन् । तर ललितपुर जावलाखेलस्थित महानगरिय प्रहरी परिसरनजिकै रहेको बाणिज्य बैंकको काउण्टर नजिकै फेला पारेको रु १,३५,०००।– (एकलाख पैंतिस हजार रुपैंया) सहितको हराएको पर्स महानगरीय प्रहरी परिसर ललितपुरमा कार्यरत प्र.ज. धन धामीले सम्बन्धित व्यक्ति खोजेर फिर्ता दिएका छन् ।
चन्द्रागिरी नगरपालिका वडा नं ९, सतुंगल बस्ने रमेश कुंवरले धामीबाट हराएको पैसा फिर्ता लिएका हुन् । धामीले आइतबार र्कुबरलाई पैसा सहितको पर्स जिम्मा लगाएका हुन् ।