ललितपुरमा सोमबार १ सय ८८ जना कोरोना संक्रमित

ललितपुर खबर संवाददाता

८ मंसिर ०७७, चापागाँउ । ललितपुरभर सोमबार १ सय ८८ जना कोरोना भाइरसबाट संक्रमित भेटिएका छन् । स्वास्थ्य कार्यालय ललितपुका अनुसार सोमबार ललितपुर माहानगरपालिकामा  ५१ जना महिला र  ७४ जना पुरुष सहित  १ सय २५ जना संक्रमित फेला परे । यो संख्या अन्य पालिकाभन्दा धेरै हो ।

दोश्रो धेरै संक्रमित सोमबार महालक्ष्मी नगरमा भेटिए । यहाँ १९ जना महिला र २० जना पुरुष सहित ३९ जना संक्रमित फेला परेका थिए ।

गोदावरी नगरमा १ महिला र ५ पुरुषमा संक्रमण देखियो । दक्षिण ललितपुरको ३ गाँउपालिकामध्ये महाँकाल गाँउपालिकामा १ महिलालाई संक्रमण देखिएको छ भने पुरुष संक्रमितको संख्या शुन्य छ ।­