काठमाडौँ उपत्यकामा ५ सय ४८ कोरोना सङ्क्रमित

     १४ मंसिर ०७७, काठमाडौं । काठमाडौँ उत्यकामा थप ५ सय ४८ कोरोना सङ्क्रमित थपिएको स्वास्थ्य मन्त्रालयले जनाएको छ । यससँगै उपत्यकामा सङ्क्रमितको सङ्ख्या एक लाख सात हजार ५ सय ९६ पुगेको छ ।

आज आइतबार थपिएका सङ्क्रमितमध्ये काठमाडौँका ४  सय २२, ललितपुरका ६१ तथा भक्तपुरका ६५ रहेका छन् । उनीहरूको उपत्यकाका विभिन्न प्रयोगशालामा परीक्षण गरिएको थियो ।

कोरोनाबाट थप २५ जनाको मृत्यु

देशभर कोरोना भाइरसको सङ्क्रमणबाट आइतबार थप २४ जनाको मृत्यु भएको छ । योसँगै नेपालमा कोरोना भाइरसको सङ्क्रमणबाट मर्नेको सङ्ख्या एक हजार ४ सय ७९ पुगेको मन्त्रालयले जनाएको छ । शनिबार १९ कोरोना सङ्क्रमितको मृत्यु भएको थियो ।