गोकर्णेश्वरमा आमाछोरी मृतफेला, वावु घाइते

१८ मंसिर ०७७, काठमाडौं । काठमाडौंको गोकर्णेश्वर नगरपालिकामा २ जना मृत अवस्थामा फेला परेका छन् ।
गोकर्णेश्वर नगरपालिका–२ नयाँपाटीमा बस्दै आएकी सिन्धुपाल्चोकको जुगल गाउँपालिका घर भएकी २७ वर्षीया पेम्बी शेर्पा र उनकी एक महिने छोरी मृत अवस्थामा फेला परेको महानगरीय प्रहरी वृत्त बौद्धले जानकारी दिएको छ ।
शेपाकी ३२ वर्षीय श्रीमान दोर्जे शेर्पा भने अचेत अवस्थामा फेला परेका हुन् । राति सुत्दा हिटर बालेर सुतेका कारण निस्सासिएर उनीहरुको मृत्यु भएको हुन सक्ने प्रहरीले आशंका गरेको छ ।
। दोर्जेलाई उपचारका लागि नेपाल मेडिकल कलेज पठाइएको छ ।
पसल सञ्चालन गरेका शेर्पाको परिवार बिहान अबेरसम्म पनि पसल खोल्न नआएपछि स्थानीय बासिन्दा प्रहरीलाई खबर गरेका थिए ।
प्रहरीको टोली गएर शेर्पा परिवार बसेको घरको ढोका फोडेर हेर्दा आमाछोरी मृत अवस्थामा फेला परेको र बुबा भने अचेत अवस्थामा फेला परेको डीएसपी कार्कीले बताए ।
भेन्टिलेसन समेत नभएको कोठा बन्द गरेर राति सुत्दो हिटर बालेको र अक्सिजनको कमीका कारण मृत्यु भएको हुनसक्ने प्रहरीको भनाई छ । आमा छोरीको शवलाई पोष्टमार्टमका लागि त्रिवि शिक्षण अस्पताल महाराजगंज पठाइएको छ ।