बलत्कारको आरोपमा ललितपुरबाट युवक पक्राउ

७ पुस ०७७, इमाडोल । २६ वर्षीया युवतीलाई बलत्कार गरको आरोपमा एक युवक पक्राउ परेका छन् । बलत्कारको अभियोगमा महालक्ष्मी नगरपालिका ८ टाउनप्लानिङ बस्ने ३३ वर्षीय बिमल बहादुर बिक पक्राउ परेका हुन् ।
उनी मकवानपुर बागमती गाउँपालिका ८ कान्तिपुरका स्थायी निवासी रहेको प्रहरीले जानकारी दिएको छ । उनलाई बलत्कारको आरोपमा सोमबार दिउँसो प्रहरीले पक्राउ गरेको हो ।
बिमलले ती महिलालाई जबरजस्ती करणी गरेको भन्ने खबर प्राप्त हुनासाथ महानगरीय प्रहरी प्रभाग लुभुबाट खटिएको प्रहरीले उनलाई पक्राउ गरेको थियो । उनको सम्बन्धमा आवश्यक अनुसन्धान भइरहेको प्रहरीको भनाई छ ।